Mevrou beplan 'n Desember-partytjie om wraak te neem op die bure
Mevrou is hierdie feesseisoen by die huis en is besig met 'n plan vir 'n groot Desember-swembadpartytjie.
Gerda de Sousa en Dianne Broodryk het agter gekom hulle het tussen die twee van hulle ’n rook masjien en ’n disko bal wat hulle nou wil inspan vir ’n partytjie wat deur die buurt gaan weergalm.
Dis om al daai bure terug te kry wat so gou is om die vuurwerke af te skiet, sonder dat hulle die ander inwoners of die diere in ag neem.
Luister na die episode hier:
Gerda de Sousa en Dianne Broodryk het agtergekom dat hulle tussen die twee van hulle 'n rookmasjien en 'n disko-bal het, wat hulle nou wil inspan vir 'n partytjie wat deur die buurt gaan weergalm.
Dit is alles om daardie bure terug te kry wat so vinnig is om die vuurwerke af te skiet, sonder om die ander inwoners of die diere in ag te neem. Die Mevrouens is vir die grootste deel van die Desember-vakansie by die huis – hulle doen hul eie tuinroete, soos wat Dianne se pa altyd gesê het.
Terwyl hulle wel beplan om die tyd goed te gebruik, die kaste uit te pak en die huis skoon te maak, kan mens darem nie die hele Fees-seisoen werk nie.
Mense wat op vakansie is, lê dan die hele dag op die strand...
Toe onthou Gerda dat hulle 'n rookmasjien en 'n disko-bal in die stoor het, en saam met Dianne se mooi blou swembad is dit die perfekte resep vir 'n goeie somerpartytjie.
Dianne is aangespoor om die eerste en grootste partytjie in haar buurt te hou, want hierdie jaar wil sy hê haar huis moet die een wees met die hardste musiek.
Sy wil die bure terug kry vir al daardie jare wat hulle vuurwerke afgevuur het en haar hond so bang gemaak het.
Die twee beplan darem ook om matigheid in gedagtes te hou en die swembadfeeste na die groot Kersdag-ete te hou.
Daarvoor staal hulle hulself teen die moeilike inkopies wanneer almal hulle laaste draai maak en die winkels in 'n malligheid omskep word.Jy kan ook gaan kyk na hierdie week se hele episode:
Mevrou Mevrou is ‘n oorspronklike Afrikaanse podgooi deur Jacaranda FM waarin twee “gesoute” radio kollegas, Gerda de Sousa en Dianne Broodryk, hulle lewens agtermekaar kry met ‘n lekker ou stoep kekkel.
Gerda en Dianne het al dekades saam agter die rug – as joernaliste, by Jacaranda FM, vriendinne wat als van mekaar weet, twee ma’s wat moet help raad gee as die ander nie meer antwoorde het nie en, natuurlik, Mevrouens.
In hierdie eksklusiewe podgooi reeks vir JacPod, tel Gerda en Dianne nie hulle woorde nie.
Hulle mag dalk op ‘n afstand lyk soos twee normale Mevrouens, maar op hulle weeklikse skinkbord gaan jy nie gewone tee en toebroodjies kry nie.
Luister na die vorige episodes: