Blackbyrd sanger nou ook op die kassie
Die hoofsanger van die gewilde groep BlackByrd, Tarryn Lamb, sê dit is 'n droom om 'n rol te kan vertolk in die kykNET reeks Suidooster.
Met 7 SAMA nominasies en 8 nommer een treffers agter die blad is televisie 'n natuurlike volgende stap vir die donkerkop.
"Ek is so opgewonde om deel te wees van die span. Dit is 'n amazing geleentheid om saam met talentvolle akteurs te werk," vertel sy aan MornéJK.
Tarryn sê sy vertolk 'n raaiselagtige karakter wat dinge bietjie omvêr gaan gooi op die gewilde televisie reeks.
Haar karakter Kim het in 'n arm huis grootgeword maar besit nou 'n nagklub.
"Dit is 'n droom wat waar geword het vir my en ek het al van kleintyd af opvoerings gedoen waaring ek act, dans en sing," sê Lamb.