Johandré Blom leer weer swem na krokodil-aanval
Foto's en video's wat op die Johandré Blom-ondersteunersblad op Facebook gedeel is, wys hoe die jong man weer leer swem nadat hy sy arm verloor het.
Ná sewejarige Johandré Blom op 21 Maart 2025 sy arm in 'n krokodil-aanval verloor en die aanval oorleef het, is dit nou weer tyd vir hom om te leer swem.
Videos wat op Blom se ondersteunersblad op Facebook gedeel is, wys hoe die jong man suksesvol in 'n swembad induik en van die een punt van die swembad na die ander swem.
Kyk hier:"Soos ons in ons vorige plasing gesê het, was die volgende uitdaging vir Johandré om weer te leer swem. Hy is baie lief vir water en swem," het sy ouers op Facebook geskryf.
"Ons was maar eers versigtig om te sien hoe dit sou gaan, maar Johandré staan glad nie terug nie. Hy het dadelik weer sy ritme gekry en heerlik die hele dag lank geswem."
KYK: Sewejarige terug by skool ná krokodilaanval
Johandré se ouers het ook belowe om die publiek op hoogte te hou van die vordering met sy prostese.
In foto's en video's op Facebook pas die sewejarige sy moontlike nuwe prostese aan.
"Daar was reeds 'n paar keer 'fitting' gedoen om tot op hierdie punt te kom. Johandré sal weer vir julle 'n video maak, so hou dit dop."
Good Morning Angels
Verskeie luisteraars uit die visvang- skool- en Hartbeespoort-gemeenskappe het Good Morning Angels genader om die Blom-gesin by te staan nadat Johandré sy arm in ’n krokodilaanval verloor het.
Met die hulp van wonderlike borge het ons daarin geslaag om R400 000 in te samel om die jong seun en sy gesin te ondersteun.
Op die oggend toe Johandré se pa Jacaranda FM besoek het, het hy ook die wonderlike nuus ontvang dat sy seun uit sy koma ontwaak het — en sedertdien het dinge net verbeter.
Breakfast with Martin Bester het weer met die gesin gesels om uit te vind hoe hul lewens verloop het sedert die verskriklike aanval.
Die aanval
Die sewejarige Johandré Blom, sy pa Corné en sy ma Amanda het saam met vriende 'n naweek-visvanguitstappie by 'n dam naby Brits geniet die naweek van 21 Maart (Menseregtedag).
Johandré en sy maat Dylan het in die vlak water gespeel, net 'n paar meter vanwaar hul pa's hul vislyne in die water gehad het.
KYK: Swartmamba kuier in Mpumalanga-inwoner se stort
In ’n oogwink het hul rustige dag in ’n nagmerrie verander toe 'n groot krokodil vir Johandré gryp en hom die water insleep.
Dylan het geskree, en Corné het die water ingestorm en sy seun gegryp.
Die krokodil het hulle laat tol, maar Corné het daarin geslaag om vir Johandré los te ruk — net om te besef dat sy linkerarm afgeskeur is.
Corné het hom na die hospitaal gejaag en is onderweg deur nooddienste ontmoet. Johandré is gestabiliseer en per lug na ’n hospitaal in Alberton vervoer, waar hy in 'n medies-geïnduseerde koma geplaas is.
Skakel in op 'Breakfast with Martin Bester', weeksdae van 06:00-09: 00. Stroom die program regstreeks hier of laai ons mobiele app hier af.
Luister na Jacaranda FM:
- 94.2
- Jacaranda FM App
- http://jacarandafm.com
- DStv 858/ OpenView 602
Volg ons op sosiale media:
FOTO: Jacaranda FM