KYK: Ma se streng terug-skool-toe-toespraak laat internet gons

'n Suid-Afrikaanse ma het die internet behoorlik aan die praat gehad nadat sy 'n video op TikTok geplaas het waarin sy met haar kinders praat oor die nuwe skooljaar

In die ses-minuut-video het die TikToker, bekend as Ousie, haar kinders gewaarsku om hulself by die skool te gedra en te onthou hulle is daar om te leer.

Haar streng terug-skool-toe-toespraak was gepaard met 'n houtlepel in haar hand.

LEES: Vyf onderskeidings vir vermiste Krugersdorp-tiener

"As gevolg van hierdie houtlepel het julle ma diplomas opgetel. Julle ma het diplomas opgetel. En julle ma was nie een keer by die skool vir moeilikheid optel nie," het sy gesê.

"Mamma moet julle voorstel aan die houtlepel wat voer en moer."

Wat egter begin het as 'n streng waarskuwing oor die nuwe skooljaar, het vinnig ook in 'n emosionele boodskap verander.

In haar toespraak het sy met elkeen van haar kinders individueel gepraat om hulle te waarsku, maar ook om hulle te herinner dat sy daar is vir hulle en hulle te alle tye sal beskerm.

Alhoewel sy intimiderend gelyk het met die houtlepel in haar hand, het sy ook goeie wense vir die 2026-skooljaar aan haar kinders en die publiek toegespreek.

KYK: Martin Bester kuier op 'Binnelanders'

"Mag almal 'n mooi en geseënde nuwe skooljaar hê – onderwysers, opsigters, skoonmakers, almal wat by skole werk, en mees belangrik, die kinders," het die TikToker geskryf.

"Julle moet 'n mooi en geseënde 2026 hê," het sy afgesluit.

"Kom ons maak vir Oupa trots. Oupa is nie meer by ons nie."

Kyk hier: 

Die video het reeds meer as 900 000 kyke verwerf.

Skakel in op 'Breakfast with Martin Bester', weeksdae van 06:00-09: 00. Stroom die program regstreeks hier of laai ons mobiele app hier af.

Luister na Jacaranda FM: 

• 94.2
• Jacaranda FM App
• http://jacarandafm.com
• DStv 858/ OpenView 602

Volg ons op sosiale media: 

• Facebook
• Twitter
• Instagram
• YouTube
• LinkedIn
• TikTok

FOTO: TikTok/ Skermgreep