Corlea Botha en Refentse sing saam by Innibos
Die sangeres met die goue stem, Corlea Botha het laat glip dat sy en Refentse Morake Saterdag ‘n duet gaan sing by die Innibos Fees in Mbombela.
Meer as 16 kunstenaars, waaronder, Liezel Pieters, Monique Steyn, Robbie Wessels, Juanita du Plessis, Kurt Darren en Amanda Strydom is saam op een verhoog vir die Jacaranda FM konsert by dié populêre fees.
“Al wat ek kan sê is dat feesgangers een massiewe produksie kan verwag. Ek gaan twee duette doen – een saam met Kurt Darren ook,” meen Corlea.
Die sangeres is ok binnekort oppad buiteland toe en gaan saam my musiekbase in New York werk maar sy wou nie veel uitlaat oor haar planne nie.