Klein Eben Beukes kry sy engel-vlerkies
Jacaranda FM se Good Morning Angels het vroeër vanjaar die toe 10-jarige Eben en sy familie gehelp, nadat hy verskeie beroertes opgedoen het.
Nadat Jacaranda FM se Good Morning Angels vir Eben Beukes en sy familie vroeër die jaar gehelp het om hom terug by die huis te kry, het die 11-jarige op 27 Augustus sy engel-vlerkies gekry.
Jong Eben Beukes was soos enige ander seun van sy ouderdom en het dit geniet om saam met sy vriende skool toe te gaan.
Ongelukkig kon Eben nie hierdie jaar skool bywoon nie.
Eben se lewe het vir altyd verander toe hy in Desember 2024 COVID-19 opgedoen het.
LEES: Multiple strokes leave 10-year-old boy severely disabled
As gevolg van erge inflammasie het Eben PIMS (Pediatriese Inflammasie-Multisisteem Sindroom) ontwikkel — 'n aggressiewe outo-immuunreaksie.
Terwyl sy liggaam gesukkel het, het hy ook 'n sekondêre streptokok-infeksie opgedoen. Dit het gelei tot verskeie beroertes en ernstige breinskade.
Ses maande ná sy diagnose het Eben sy sig verloor as gevolg van die beroertes.
Hy kon glad nie meer praat of loop nie en het konstante sorg benodig.
Eben was in 'n rehabilitasiefasiliteit, wat gedeeltelik deur sy mediese fonds betaal was, maar al waarvan Eben se pa, Hendrik, gedroom het, was om sy kind terug by die huis te kry.
Om Eben huis toe te bring sou egter beteken dat Hendrik finansiële en ander hulp sou benodig om hom te kan versorg.
LUISTER: Appel deel meer oor hartroerende nuwe enkelsnit
'n Groep skool- en familievriende het Hendrik bygestaan en Good Morning Angels genader om te help dat Eben huis toe kan kom.
Met die hulp van talle "Engele" is genoeg fondse ingesamel om Eben terug by die huis te kry, waar hy sy laaste paar maande saam met sy familie kon deurbring.
Eben se diens vind plaas op Saterdag 6 September om 11:00.
Die familie het reeds twee jaar gelede ’n tragedie beleef toe Eben se ma ook 'n beroerte gehad en gesterf het.
Sy het die toe 15-jarige suster Ané, hul pa Hendrik, en Eben agtergelaat.
Skakel in op 'Breakfast with Martin Bester', weeksdae van 06:00-09: 00. Stroom die program regstreeks hier of laai ons mobiele app hier af.
Luister na Jacaranda FM:
- 94.2
- Jacaranda FM App
- http://jacarandafm.com
- DStv 858/ OpenView 602
Volg ons op sosiale media:
FOTO: Verskaf