Refentse se album bereik dubbel platinum
Afrikaanse sanger, Refentse Morake se debuut album, My Hart Bly In 'n Taal het dubbel platinum status bereik. Dit is selde dat 'n intree kunstenaar hierdie status in minder as 'n jaar bereik, soos die geval is met Morake.
Refentse Morake se loopbaan het vlamgevat nadat 'n video van hom wat sing, op sosiale media gepubliseer is.
Hy was 17 toe hy in die tuin van sy ouerhuis in Unitapark in Vereeniging deur 'n ou dame afgeneem is terwyl hy gesing het.
Die Facebookvideo is meer as 30 000 keer gekyk en gedeel op die eerste dag wat dit aanlyn verskyn het.
Kort voor lank is hy 'n platekontrak deur Select Musiek aangebied.
