Die eerste Britse kroning sedert 1953

Charles III sal Saterdag as koning gekroon word tydens 'n plegtige Christelike seremonie met 1 000 jaar se geskiedenis en tradisie as agtergrond.

Die kroon, genaamd St Edward's Crown, is van soliede goud en is in Britanje ’n heilige simbool van die gesag van die monarg, wat slegs een keer in hul bewind gebruik word. Dit sal om 1100 (GMT) op Charles se kop geplaas word terwyl uitroepe van "God Save the King" sal opklink.

Trompetgeskal sal deur Londen se Westminster Abbey opklink en seremoniële geweersalute sal oor land en see blaas om die eerste kroning van 'n Britse monarg sedert 1953 te vier - en slegs die vyfde sedert 1838.

Die hertog, wie se familie sedert 1483 staatsgeleenthede gereël het, het gesê die kroning is ook 'n kans om Brittanje en die Statebondsgroepering van 56 lande, waarvan Charles ook die hoof is, te verenig. 

LEES OOK: King Charles III coronation: key timings

Kerkklokke sal ter viering van die kroning regoor die land lui, met soldate wat te voet en te perd 'n militêre parade deur die strate van Londen sal hou.

Koning Charles en sy vrou Camilla, wat as koningin gekroon sal word, sal terugkeer na Buckingham-paleis in die Gold State Coach, verby groot skares, voordat hulle vanaf die balkon 'n seremoniële verbyvlug sal waarneem.

Die kroning – slegs die tweede wat op televisie uitgesaai sal word en wat aanlyn gevolg kan word - is die godsdienstige bevestiging van Charles (74) as koning. Hy was sedert die dood van sy ma, koningin Elizabeth II, in September verlede jaar koning, ná sewe dekades as haar erfgenaam.

Die hertog, wie se familie sedert 1483 staatsgeleenthede gereël het, het gesê die kroning is ook 'n kans om Brittanje en die Statebondsgroepering van 56 lande, waarvan Charles ook die hoof is, te verenig.