KYK: Bekende 'My f*k, Marelize'-video word 'n film
Die eerste lokprent vir die opkomende 'My F*k, Marelize!'-film is hier.
Die woorde "My f*k, Marelize" het Suid-Afrikaanse sosiale media oorgeneem nadat Marelize Horn met haar fiets teen 'n rugbypaal vasgery het.
Haar ma se reaksie op die oomblik het die video selfs nog snaakser gemaak, en so het die 'My f*k, Marelize'-video een van die bekendste video's in Suid-Afrika geword.
KYK: Vuisgeveg breek uit tydens laerskool-rugbywedstryd
Die bekende oomblik is nou weer terug, maar hierdie keer as 'n fliek.
Kyk die lokprent hier:
Die nuwe rolprent 'My F*k, Marelize!' vertel die ware verhaal agter daardie drie woorde wat die hele land laat lag het.
"Voor die memes, voor die rugbydoelpaal, was sy net Marelize," sê die fliek se byskrif.
Marelize Horn het in 2019 roem verwerf toe haar ongelukkige fietsrit die internet oorgeneem het.
Nou word daardie oomblik omskep in 'n hartroerende storie oor moed, mislukking en die kompleksiteit van die verhouding tussen ma en dogter.
Die fliek is vir die eerste keer aangekondig by die Silwerskermfees in 2024.
KYK: Sewejarige terug by skool ná krokodilaanval
Volgens News24 het Brett Michael Innes die draaiboek geskryf, en Zandré Coetzer het die regie behartig.
"Die Horn-gesin se storie het veel meer diepte as net lag en ons kan nie wag om kykers daarmee te verras nie," sê Innes.
Die rolverdeling sluit in Je-ani Swiegelaar as Marelize, saam met Zandelle Meyer, Neels Clasen en Nichola Viviers as die res van die Horn-gesin.
Waaroor gaan die film?
Marelize is 'n ongeluksvoël en wil 'n au pair in Nederland word, maar eers moet sy weer leer fiets ry.
Intussen hou haar ma, Heidi, haar kankerdiagnose vir die gesin geheim.
'My f*k, Marelize!' is vervaardig deur Nagvlug, Joe Vision Productions en Nostalgia Productions en die lokprent is Vrydag, 20 Junie vrygestel.
Van internet-sensasie tot rolprentster Marelize se storie is een wat jy beslis nie wil misloop nie!
Lees nog hier:
Skakel in op 'Breakfast with Martin Bester', weeksdae van 06:00-09: 00. Stroom die program regstreeks hier of laai ons mobiele app hier af.
Luister na Jacaranda FM:
- 94.2
- Jacaranda FM App
- http://jacarandafm.com
- DStv 858/ OpenView 602
Volg ons op sosiale media:
FOTO: Facebook/ Screenshot