FOTO'S: 'Binnelanders'-akteur is verloof!
Die aantreklike Emmanual Castis, wat tans die rol van Sergio de Freitas vertolk in 'Binnelanders' is verloof!
Die akteur, Emmanuel Castis het onlangs die rol van Sergio de Freitas in die gewilde kykNET-sepie, 'Binnelanders' begin vertolk.
LEES: Legendariese Sonja Herholdt maak gereed vir heel eerste aanlynkonsert
Castis het onlangs verloof geraak aan sy meisie, Sharlene Economou. Castis het die opwindende nuus op sosiale media gedeel. ""She said yes," het hy op die Instagram-plasing geskryf.
Kyk na die foto's hieronder:
Sy karakter op 'Binnelanders' is 'n dokter wat spesialiseer in trauma - en is baie meer gefokus op taktiese mediese opleiding.
LEES: Scheepers-familie van 'Kwarantyn' dans op gewilde 'Jerusalema'-liedjie
Castis besoek 'Binneland Kliniek' om 'n kursus aan te bied om die dokters gereed te maak om hierdie tegnieke in die veld toe te pas. Ironies genoeg het Sergio met sy eie trauma na Pretoria gekom, want hy is eintlik op soek na die man wat hy glo sy ma tydens die Angolese oorlog vermoor het.
Sergio het 'n teorie in sy kop dat die skuldige party Okkie Ferreira is (gespeel deur Ben Kruger), en hy is soos 'n wilde hond wat 'n bloedspoor volg - en hy vertrek nie totdat hy die antwoorde het nie.
Castis het onlangs met die Scenic Drive heiroor gesels. Luister na die onderhoud hieronder: