Idols SA: Duan Coetzee
Opkomende sanger, Duan Coetzee het in rondte 3 van Idols SA uitgeval maar meen daar is geen keer aan sy drome nie.
Die 24-jarige van Pretoria het aan die Idols oudisies by die Pretoria Staatsteater deelgeneem en meen al het hy uitgeval was dit 'n leerskool vir hom.
"Ek was baie op my senuwees, veral toe ek voor die beoordeelaars verskyn het," meen Duan.
Hy sê dit was senutergend om voor Randal Abrahams op te tree.
"Randal het nie eintlik veel te sê gehad oor my optrede nie, maar het gesê dat hy nooit sal betaal om my op die verhoog te sien nie," sê Duan laggenderwys.
Dis die 13 de seisoen van die talent-soek kompetisie wat elke Sondag op Mzansi Magizc uitgesaai word.