Jou Romeo in Johannesburg bekendgestel
Die jongste romantiese tienerkomedie, Jou Romeo is gisteraand in Johannesburg aan die media bekend gestel tydens die amptelike premiêr.
Talle bekendes het die geleentheid bygewoon en die film sal op 23 Desember landswyd in fliekteaters begin draai.
Die film vertel die verhaal van Marko Marais (Ruan Wessels) wat die gewildste ou in Hoërskool Monument is, nie net omdat hy 'n jock is nie, maar ook omdat hy die krieketheld en 'n hartebreker is.
Hy en die drama geek Yvette (Elani Dekker) verskil soos dag en nag, maar ware liefde stuur op 'n liefdes-ramp af.
LEES OOK: Ruan Wessels: "Ek is geen hartebreker nie"
Jou Romeo, wat romanse, Shakespeare, krieket, vriendskap, onvoorwaardelike aanvaarding en die liefde vier, vertel die verhaal van twee vasbeslote dramaliefhebbers wat tot enige uiterste sal gaan om hul droomproduksie op die planke te bring.
