Middelburg-egpaar sterf in tragiese vliegtuigongeluk
Die liggame van twee mense wat in 'n vliegtuigongeluk in Middelburg oorlede is, is geïdentifiseer.
Twee individue wat hul lewens verloor het in 'n tragiese vliegtuigongeluk op Sondag 18 Mei omstreeks 16:00, is geïdentifiseer deur lede van die Middelburg Aero Club (MAC).
Die paartjie, Quentin (39) en Lizette Steyn (38), is oorlede nadat hul ligte vliegtuig by die Middelburg Vliegveld in Mpumalanga geval het.
Volgens die Middelburg Observer was die vliegtuig erg beskadig nadat dit geval het en ook aan die brand geslaan het.
WATCH: Police remove disruptive passenger from local flight
"Die polisie is na die toneel ontbied, saam met ander relevante belanghebbendes. By hul aankoms was die vliegtuig steeds aan die brand, en die twee slagoffers was tot onherkenbaarheid verbrand," het luitenant-kolonel Jabu Ndubane in 'n polisieverklaring gesê.
Die vliegtuig het glo tussen die vliegveld se aanloopbaan en die buitenste heining neergestort.
"Net verlede week Maandag het ek vir omtrent ’n uur met Quentin gepraat. Hy was 'n slim en aangename man. Beide hy en sy vrou Lizette was baie mooi mense, en my hart is seer vir hul familie oor die verlies van albei," het Johan Cillié, ondervoorsitter van die MAC, aan Middelburg Observer gesê.
Die voorsitter van die MAC, Cobus Peens, het bygevoeg dat Quentin 'n voormalige kommersiële vlieënier was en dat hy 'n bekwame en ervare vlieënier was.
Debbie Minnie, 'n goeie vriendin van Lizette, het gesê: "Sy was 'n wonderlike ma. Lizette het baie swaarkry in haar lewe verduur, maar sy het altyd bo uitgekom."
Quentin en Lizette word deur hul twee jong dogters, wat slegs agt en 15 jaar oud is, oorleef.
Middelburg Observer het berig dat die dogters, saam met ander vriende en ouers, teenwoordig was en die tragiese ongeluk gesien het.
KYK: Riana Nel skep nuwe liedjie uit bekende Afrikaanse lirieke
Die paartjie was nie self lede van die Aero Club nie, maar was wel gereeld by die vliegveld, aangesien hul Rans S-10 Sakota daar gestoor was.
Volgens die amptelike polisieverklaring is die oorsaak van die ongeluk nog nie bekend nie.
"Lugvaartagentskappe wat met ongelukke werk, is gekontak, en ’n ondersoek is aan die gang om die omstandighede wat tot die tragiese voorval gelei het, te bepaal."
Raymond Steyn, Quentin se pa, het wel vertel dat sy seun glo 'n "fly-by" met die Rans S-10 Sakota probeer doen.
Quentin het glo naby die grond gevlieg en toe die vliegtuig probeer omdraai. Een van die vliegtuig se vlerke het toe glo aan die grond geraak, wat veroorsaak het dat die vliegtuig neergestort het.
Skakel in op 'Breakfast with Martin Bester', weeksdae van 06:00-09: 00. Stroom die program regstreeks hier of laai ons mobiele app hier af.
Luister na Jacaranda FM:
- 94.2
- Jacaranda FM App
- http://jacarandafm.com
- DStv 858/ OpenView 602
Volg ons op sosiale media:
FOTO: Middelburg Observer