Dis Koue Kos, Skat word 'n rolprent
Dis Koue Kos, Skat, 'n roman deur die bekroonde skrywer Marita van der Vyver, gaan eersdaags in 'n vol-lengte fliek omskep word.
Veteraan aktrise, Anna-Mart van der Merwe is in die hoofrolverdeling terwyl bekende name soos Deon Lotz en Angelique Gerber ook in die roman verskyn.
Die fliek handel oor die briewe en e-posse van ’n vrou in haar liefde verlaat wat gil van woede, pleit om begrip en skreeu om wraak.
Die verhaal ontvou in korrespondensie wat oor ’n dekade geskryf is – aan ’n ontroue man en vriendinne.
Clara Brand se man, Bernard, verlaat haar vir Anaïs, een van Clara se beste vriendinne.
Die briewe wys die verskeie “stasies” van Clara se herstelproses: woede, aanvaarding, nuwe vryheid, herstel van haar sekslewe, hernieude bande met haar eks-man, die deurlopende poging om haar kinders normaal groot te maak.